Türkiyə İzmir vilayətinin Karabağlar rayonunda fəaliyyət göstərən qaöpı emalatxanasında partlayış baş verib. ANS PRESS Türkiyə mətbuatına istinadən xəbər verir ki, hadisə nəticəsində 2 nəfər ölüb, 3 nəfər isə itkin düşüb. İlikin məlumatlara görə, partlayış emalatxanada qaz sıxışması səbəbilə baş verib. Qeyd edək ki, partlayışdan sonra binada yanğın baş verib. Məlumata görə, ölənlərdən biri yanğından mühafizə xidmətinin əməkdaşı, digəri isə emalatxananın işçisidir. Daha 3 emalatxana işçisi isə dağıntıların altında qalıb və hal-hazırda ərazidə onlar üçün axtarış və xilasetmə işləri davam edir. ANSPRESS