İsveçrənin Bazele şəhərində bahalı saat və zinət əşyalarının sərgi salonundan bir neçə milyon frank dəyərində beş brilyant oğurlanıb.

Hazırlanmış plan üzrə dörd və ya beş oğrunun çalışdığı bildirilir. Onlardan üçünün sərgi əməkdaşlarının diqqətini yayındırdığı, digərlərinin isə vitrinlərdən brilyantları oğurlayaraq ərazidən uzaqlaşdıqları ehtimal edilir. İsveçrənin prokurorluq nümayəndəsi Markus Melçlin sözlərinə görə oğurluqdan 15 dəqiqə sonra bu plandan xəbər tutulub.