Bu gün Türkiyənin İstanbul şəhərində Mərmərə dənizinə aid Yenikapı sularında "Yakamoz 5" tankerdə yanğın baş verib.

ANS PRESS-in məlumatına görə, yanğın yerli vaxtla 11.50-də (Bakı vaxtilə 13.50-də) başlayıb. Yanğının səbəbləri bəlli deyil. Tanker dizel yanacağı daşıyırmış.

Gəmidə beş nəfər heyət üzvü olub və onların hamısı evakuasiya olunub. İstanbul sahil mühafizə xidmətinin məlumatına görə, bir nəfər xəsarət alıb və onun həyatına təhlükə yoxdur. Hazırda yanğın söndürülüb.