Azərbaycanda ermənilər tərəfindən törədilmiş Xocalı soyqırımının 20-ci ildönümü dünyanın bir çox ölkələrində anılıb. Xəbər verdiyimiz kimi, ən böyük anma tədbirlərindən biri isə Türkiyənin İstanbul şəhərində keçirilib. Qətliam Taksim meydanına toplanan minlərlə insan tərəfindən pislənib. Mitinqdə Türkiyənin daxili işlər naziri İdris Naim Şahin də iştirak edib. Mitinq iştirakçıları əllərində Türk və Azərbaycan bayraqları ilə yürüş edərək erməni terrorizmini lənətləyən müxtəlif şüarlar səsləndiriblər.