Türkiyənin İstanbul şəhərində ötən gecə keçirilən icazəsiz aksiya gərginliyə səbəb olub. ANS PRESS-in məlumatına görə, Şişli Okmeydanında aksiya keçirən PKK tərəfdarları ilə təhlükəsizlik qüvvələri arasında toqquşmalar olub. İki küçənin kəsişməsində bir araya gələn etirazçılar ərazini əsl döyüş meydanına çevirib, polis əməkdaşlarına "Molotoff kokteyli" atıblar. Polis isə etirazçı qrupa gözyaşardıcı qazla müdaxilə edib.

Qurduqları barrikadaların arxasından polisi daşa basan PKK tərəfdarlarının bu aksiyası uzun çəkib. Bəzi polislər etirazçıların atdığı "Molotoff kokteyli" və fişənglər səbəbindən alovlar içərisində çətin anlar yaşayıblar. Bir mülki polis əməkdaşı isə yanmaqdan son anda qurtulub.

İcazəsiz aksiya nəticəsində iki küçə tanınmaz hala düşüb. Bəzi iş yerlərinə və yaşayış evlərinə ciddi ziyan dəyib.