Türkiyə İstanbul şəhərinin Qaziosmanpaşa rayonundakı yanacaq doldurma məntəqələrindən (YDM) birində partlayış baş verib. “Cihan” agentliyinin yaydığı məlumata görə, hadisə yerli vaxtla saat 22.00-də (Bakı vaxtıyla 00.00) rayonun Karayolları məhəlləsi Qaleri prospektində baş verib. Hadisə naməlum şəxslərin YDM-dəki benzin doldurma nasoslarından birinə kustar üsulla hazırlanmış partlayıcı qurğu atması nəticəsində meydana gəlib. Qeyd edək ki, partlayış nəticəsində ölən və xəsarət alan olmayıb.

Faktla bağlı istintaq başladılıb, hadisə yerində polisin və hüquq-mühafizə orqanlarının araşdırmaları davam edir.