Türkiyə İstanbul şəhərinin Asiya sahilindəki tarixi “Haydarpaşa” dəmiryol vağzalının damında yanğın baş verib. ANS PRESS Türkiyə mətbuatına istinadən xəbər verir ki, yerli vaxtla saat 15.30-da (Bakı vaxtıyla 17.30) başlayan yanğın 1 saat sonra söndürülüb. Yanğın vaxtı vağzal binasında olan sərnişinlər və işçilər təxliyə edilib və baş verəbiləcək partlayış ehtimalına qarşı tədbirlər görülüb. Qeyd edək ki, yanğına İstanbul şəhərinin Anadolu hissəsidə olan bütün rayonların, habelə dənizdə fəaliyyət göstərən yanğından mühafizə dəstələri müdaxilə edib. Hadisə nəticəsində binanın damı və 4-cü mərtəbəsi tamamilə yanıb.

Hadisə barədə məlumat verən İstanbul valisi Hüseyn Avni Mutlu yanğın nəticəsində ölən və xəsarət alan olmadığını bildirib.

Nəqliyyat nazirliyinin rəsmisi isə yanğının tarixi binanın damında aparılan təmir səbəbilə baş verdiyinin güman olunduğunu, dəqiq məlumatın isə araşdırmalardan sonra veriləcəyini deyib.