APA-nın “Reuters”ə istinadən verdiyi məlumata görə, “Mavi Mərmərə” teploxodu avqustun 5-də Hayfa limanından Türkiyəyə doğru yol alıb. Aşdod limanında saxlanılan “Qəzza” və “Dəfnə” adlı gəmilər isə bu gün Türkiyəyə göndəriləcək.

Xatırladaq ki, mayın 31-də Qəzzaya humanitar yük aparan “Azadlıq donanması”nı gəmiləri İsrail ordusunun xüsusi təyinatlı dəstələri tərəfindən saxlanılıb. “Mavi Mərmərə” gəmisinə enən İsrail əsgərləri 9 türkü öldürüblər. BMT olayın araşdırılması üçün komissiya yaradıb. APA