İsrail ordusu indi də başında kamera və mikrofon olan "robot ilan"ları tətbiq etməyə başlayıb. İsrailin "Kanal 2" televiziyasında nümayiş olunan nümunə "ilan" mağaralara, tunellərə, binalara girərək görüntü və səs qeydi aparıb.

Uzunluğu 2 metrə qədər olan və bədəni hərbi kamuflyaj rənginə boyanmış "ilan"ın yerdəyişməsi gerçək ilanların hərəkətinə çox bənzəyir.  İsrail ordusu hələ təcrübə mərhələsində olan bu robotu döyüş birləşmələrində istifadə etməyi planlaşdırır.

Robot ilan üzərində bomba daşıyaraq, bəzi düşmən liderlərini də partlatmağa imkan verəcək. Bu cür ilanlara "intihar ilanı" deyilir./ANS PRESS/