İsrail ordusu Qəzzanın şərqini atəşə tutub.

ANS PRESS-in məlumatına görə, İsrail artilleriyasının fələstinlilərin yaşadığı evlərə atdığı mərmilər nəticəsində 4 azyaşlı uşaq ölüb, 10 nəfər isə yaralanıb.

Hadisə şahidlərinin məlumatına görə, bu, son günlərin ən böyük hərbi əməliyyatı olub. Fələstinlilərin yaşadığı xeyli evin dağıldığı bildirilir.

Qeyd edək ki, İsrailin Qəzza zolağında həyata keçirdiyi hərbi əməliyyatlar 275 fələstinlinin həyatının itirməsi ilə nəticələnib. Yaralı sayı isə 2 min civarındadır.