ÇAXAL-ın strukturunda yeni hərbi bölmə yaradılıb. Belə ki, bu hərbi bölmə ölkə sərhədlərindən uzaqda düşmən ərazilərinin "dərinliyində" hərbi əməliyyatlar planlaşdıracaq və həyata keçirəcək. ANS PRESS-in “Israelinfo.ru”a istinadən verdiyi məlumata görə, məsələ haqda İsrail baş qərargahının rəisi Beni Hans məlumat verib.

Yeni hərbi struktura ehtiyatda olan general Şay Avital rəhbərlik edəcək. Bundan öncə general “Saeret Matkal” xüsusi hissəsinə rəhbərlik edirdi. Məlumata görə, yeni struktur yuxarıda qeyd edilənlərlə yanaşı, İrandan Livan və Qəzza sektoruna qaçaq silah ötürülməsinə də nəzarət edəcək.

Qeyd edək ki, struktur və tapşırıqlarına görə yeni ordu quruluşu Amerika Komandanlığı Xüsusi Qüvvələrini (SOCOM) xatırladır. ÇAXAL-da bir çoxları yeni hərbi bölməni “İran şöbəsi” adlandırırlar.