Qəzza bölgəsində İsrail hərbçiləri ilə silahlı qarşıdurma zamanı iki fələstinli öldürülüb. Fələstin informasiya agentliklərinin İsrail radiosuna istinadən yaydığı məlumata görə, atışma gecə saatlarında radikal fələstinli qruplaşmanın üzvləri sərhəd xətti vasitəsilə yəhudi dövlətinin ərazisinə daxil olmaq istəyərkən baş verib.

İsrailli hərbçilərin sözlərinə görə, onlar Fələstin muxtariyyətinin qərbindən əraziyə soxulmaq cəhdinin qarşısını alıblar. Atışma zamanı bir hərbçi ağır yaralanıb.

Xatırladaq ki, İsrail əsgərləri dekabrın 2-də də iki fələstinli silahlını öldürmüşdülər.