Fələstinin Ramallah bölgəsində qaçqın düşərgəsinə girməyə çalışan İsrail əsgərləri ilə fələstinlilər arasında qarşıdurma yaranıb.

ANS PRESS-in Türkiyə mətbuatına istinadən verdiyi xəbərə görə, Qərbi Şəriyədəki Kalendiya Mühacir düşərgəsində baş verən qarşıdurma nəticəsində 19 yaşlı fələstinli Cihad Aslanla 32 yaşlı Rubin Faris ölüb, 10 nəfər də yaralanıb.

Ramallah Tibb Kompleksinin müdiri Əhməd əl-Beytavinin sözlərinə görə, qarşıdurmaya səbəb, İsrail əsgərlərinin "axtarış" bəhanəsi ilə düşərgədə yaşayan bir neçə fələstinli evinə girmək istəmələri olub.