Moskvanın mərkəzində soyğunçular bir kişinin 500 min dollarını əlindən alaraq qaçıb. Paytaxtın hüquq-mühafizə orqanlarından verilən məlumata görə, cinayət bu gün 14:00 radələrində Qroxol döngəsində baş verib.

“İşıqforun qırmızı işığı yandığından avtomobili saxlayan sürücüyə naməlum şəxslər hücum edərək onu maşından çıxarıb. Sürücünü döyən qarətçilər onun içərisində pul olan çantasını aparıb”, - deyə mənbədən bildiriblər.

Daha sonra canilər qara rəngli xarici maşına minərək hadisə yerindən uzaqlaşıb. “Hazırda hadisə yerində operativ-istintaq qrupu işləyir, zərərçəkən sorğu-sual olunur. Lakin o şokda olduğundan cinayətkarların əlamətlərini deyə bilmir”, - deyə məlumatda qeyd olunub.

Güman olunur ki, cinayət hadisəsi əvvəlcədən planlaşdırılıb. ANSPRESS