ANS PRESS-in məlumatına görə, Suriyada və İraqda insanlara qarşı vəhşiliklər törədən İraq Şam İslam Dövləti (İŞİD) terror qruplaşması bölgədəki tarixi-mədəni abidələrə də ziyan vurmaqda davam edir.

Suriyanın yerli özünü idarəetmə komitəsinin Hələb üzrə mətbuat katibi Tahsin Əhməd İŞİD üzvlərinin Hələbin Mərcidabıq bölgəsindəki türbələri bombaladığını açıqlayıb.

Onun sözlərinə görə, türbələrdən biri Əməvi xəlifələrindən olan Süleyman bin Abdulməlikin, digəri isə Abullah bin Musafi adlı səhabənin türbəsi olub.

Qeyd edək ki, qruplaşma üzvləri bundan əvvəl İraqda bir neçə peyğəmbərə aid türbələri və müqəddəs yerləri dağıdıblar.