İraqın paytaxtı Bağdad şəhərindən 80 kilometr aralıdakı Balad şəhərində fəaliyyət göstərən kafelərin birində güclü partlayış baş verib.

ANS PRESS-in Vesti.ru-ya istinadən verdiyi xəbərə görə, kamikadzenin kafelərdən birinə girərək özünü partlatması nəticəsində 12 nəfər həlak olub.

Naməlum silahlıların Mosul şəhərində çəkiliş aparan İraqın "Aş-Şarkiya" telekanalının əməkdaşlarına açdığı atəş nəticəsində də 2 nəfər həlak olub.

Qeyd edək ki, bu ilin sentyabrında baş verən terror hadisələri nəticəsində mindən çox adam həlak olub, 2 mindən çox insan isə müxtəlif dərəcəli bədən xəsarətləri alıb.