İraqın paytaxtı Bağdadın cənubunda avtomobilin partladılması nəticəsində 6 nəfər həlak olub, 10 adam xəsarət alıb.

Babil əyalətinin administrasiyasının nümayəndəsi Mutana Xalid bildirib ki, partlayış Bağdaddan 60 kilometr cənubda yerləşən Əl-Müseyib şəhərində baş verib. Restoranlardan birinin yaxınlığında dayanmış avtomobil partladılıb.

Qeyd edək ki, martın 7-də keçirilmiş parlament seçkilərindən sonra İraqda vəziyyət qeyri-sabitdir. Seçkilərin isə yekun nəticələri hələ də məlum deyil. ANSPRESS