İraqda hər gün insan itgisi ilə nəticələnən partlayışlar ara vermək bilmir. Bu gün paytaxt Bağdadda kamikadzenin partladıcı qurğunu işə salması nəticəsində ən azı 8 nəfər həyatını itirib. Yerli polisin məlumatına görə, insident nəticəsində daha 29 nəfər müxtəlif dərəcəli bədən xəsarətləri alaraq xəstəxanalara yerləşdirilib.

İraqın Daxili İşlər Nazirliyindən verilən məlumata görə, partlayış nəticəsində ölənlər 2006-cı ildə ABŞ qoşunlarını və yerli hökuməti dəstəkləyərək “Əl-Qaidə” tərəfdarlarına qarşı çıxan sünni döyüşçüləri olub. ANSPRESS