İran İsraillə müharibəyə hazırdır. Belə bir bəyanatla İranın xarici işlər naziri Əli Əkbər Salehi Türkiyənin “Hürriyet” qəzetinə müsahibəsində deyib.

“İsrail bütün vaxtlar İranı hədələyir, burada yeni heç nə yoxdur”,- deyən Salehi xüsusi olaraq İsrailə xəbərdarlıq edib. O, deyib ki, İran istənilən təcavüzkar cəhdə sərt cavab verəcək: “Biz özümüzə çox əminik və ölkəmizin müdafiəsinə hazırıq”.

Xatırladaq ki, bir müddət əvvəl İran ordusunun komandiri, general Həsən Firaz Abadi İsrail KİV-də İranın nüvə obyektlərinə mümkün zərbələrin edirilməsi ilə bağlı yazılan məlumatlara kəskin cavab vermişdi: “Ölkəmizə qarşı istənilən təhlükə olarsa, İran İsraili cəzalandıracaq, özü də gözlənilmədən cəzalandıracaq”.