İranın iri neftkimya zavodunda yanğın baş verib. Hadisə nəticəsində bir nəfər ölüb, 16 nəfər yaralanıb.

Məlumata görə, yanğın İranın cənub-qərbində Məhşəhr şəhərində yerləşən imam Xameyni adına Neftkimya kompleksinin ərazisində baş verib.

İran KİV-i yazır ki, yaralanan 16 nəfərin 3-nün vəziyyəti ağırdır. Yanğının vurduğu maddi ziyanın dəyəri isə hələlik açıqlanmır.

Məhşəhr şəhərinin meri yanğının müəssisənin borukəmərlərindən birindən benzin sızmasının səbəb olduğunu deyib.