İranın Huzestan əyalətinin cənub-qərbindəki Marun neft yatağında yanğın başlayıb. “Mehr” agentliyinin məlumatına görə, İranın ən iri neft yataqlarından birinin 104 saylı quyusundakı yanğını söndürmək mümkün olamayıb. Yanğının ekoloji fəlakətə çevrilməsinə - neftin Huzestan əyalətinin bir çox yaşayış məntəqələrini içməli su ilə təmin edən çaya qarışmasına imkan verməmək üçün tədbirər görülür.

Mütəxəssislərin fikrincə, yanğın o qədər güclüdür ki, onun tam söndürülməsinə təxminən 20 gün vaxt lazımdır. İRNA agentliyinin məlumatına görə, 700 metr dərinliyində olan 104 saylı neft quyusu 40 il əvvəl qazılıb. Yantından əvvəl partlayışın baş verdiyi bildirilir. ANSPRESS