İranda keçiriləcək prezident seçkisində iştirak etmək üçün 475 nəfər müraciət edib. Onlardan 42-i isə qadınlardır. Ərizə verənlərn namizədliyii islam ruhaniləri və hüquqşünaslardan ibarət komissiya araşdıracaq. Kimin namizədliyinin qeydə alınıb-alınmayacağı mayın 20-21-də bəlli olacaq.
Qeyd edək ki, İranda prezident seçkisi iyunun 12-də keçiriləcək. Seçkilərdə əsas rəqiblər İranını hazırki prezidenti Mahmud Əhmədnejat, parlamentin keçmiş spikeri Mahdi  Karroubi, İslam inqilabi korpusunun keçmiş komandiri Mohsen Rezai və keçmiş baş nazir Mir Hüseyn Musavi hesab edilirlər. /ANS PRESS/