APA-nın xəbərinə görə, 2003-cü ildə Nobel mükafatına layiq görülmüş Ş. Ebadi müxalifətə yaxın “Rah-e-Sabz” saytına açıqlamasında ona təzyiq məqsədilə bacısının həbs edildiyini deyib: “Bacım hər hansı siyasi fəaliyyətlə məşğul deyildi. Onun həbs olunması insan hüquqlarının müdafiəsi sahəsində gördüyüm işləri dayandırmaq məqsədilə atılan addımdır”.

Xatırladaq ki, İranda Aşura günü – dekabrın 27-də müxalifət tərəfdarlarının etiraz aksiyaları keçirilib. Hüquq-mühafizə orqanlarının əməkdaşları ilə nümayişçilər arasında baş vermiş toqquşmalarda azı 15 nəfər ölüb. APA