İranda dəmiryol qəzası baş verib. Zahidan şəhərindən Tehrana gələn qatarın bir neçə vaqonu relsdən çıxaraq aşıb. Hadisə nəticəsində 4 nəfər ölüb, 26 nəfər yaralanıb. Bu barədə "Irna" agentliyi məlumat yayıb. İranın Qırmızı Aypara cəmiyyətinin sədri Mahmud Müzəffərin sözlərinə görə, hadisə Yəzd şəhəri yaxınlığında baş verib. Qəza zamanı ölənlərdən biri sərnişin, digər üç nəfər isə qatarın maşinisti olub. Yaralılar Yəzd şəhərindəki xəstəxanalara yerləşdiriliblər. Qatarda ümumilikdə 324 sərnişin olub.