Fars körfəzində, İran sahilləri yaxınlığında sərnişin gəmisi batıb. Azı 7 nəfərin öldüyü bildirilir. Hadisə yerinə xilasedicilər dəstəsi göndərilib.

İranın neft və qaz şirkətlərindən birinə məxsus olan gəminin göyərtəsində 72 nəfər olub, onların əksəriyyətini xilas etmək mümkün olub.

Yerli kütləvi-informasiya vasitələrinin məlumatına görə, daha 6 nəfər də gəminin içində təcrid olunmuş vəziyyətdə qalıb.

Qəzanın başvermə səbəbləri hələlik məlum deyil. ANSPRESS