İrandan Qəzzaya yardım aparan Azadlıq gəmisi ötən gün yola düşüb. ANS PRESS “İnternethaber”ə istinadən xəbər verir ki, daha bir gəmi cümə gününə qədər yola düşəcək. İran dövlət radiosunun yaydığı məlumata görə, gəmilərdə ərzaq, tikinti materialı və uşaqlar üçün oyuncaqlar var.

“Fələstin Xalqını Müdafiə” dərnəyinin rəsmisi İsrailin embarqosu başa çatana qədər Qəzzaya göndərilən yardımların davam edəcəyini bildirib.

Qeyd edək ki, İran daha əvvəl yardımları Misir yoluyla göndərmişdi. Axırıncı gəmilərin isə hansı yolla Qəzzaya gedəcəyi barədə məlumat verilməyib. ANSPRESS