“İran İsrailin nüvə obyektlərini vuracaq gücə malikdir”. ANS PRESS “Haberler.com” saytına istinadən xəbər verir ki, bunu İslam İnqlabı keşikçiləri korpusunun baş komandiri general Məhəmməd Əli Cəfəri “Əl Aləm” telekanalına verdiyi müsahibədə deyib. Cəfəri bu addımı atarkən heç bir şeydən qorxmayacaqlarını bildirib. Bundan başqa general İsrail tərəfindən hücuma məruz qalacaqları zaman heç bir qüvvənin İranın İsrailin nüvə obyektlərini vurmasının qarşısını ala bilməyəcəyini deyib. Qeyd edək ki, İranın 2 min km mənzilli “Şahab-3” raketləri ilə İsraili vurması mümkündür.  /ANS PRESS/