İran prezidenti Mahmud Əhmədinejad ölkəsinin 2025-ci ilədək kosmosa kosmonavt göndərməyə hazırlaşdığını bildirib. Bu fikri prezident İran alimlərinə müraciətində səsləndirib. Əhmədinejad həmçinin orbitdə daha böyük peyklər quraşdırmaq üçün ölkədə texnologiyaların inkişaf etdirilməsinə böyük ehtiyac olduğunu bildirib.

“Ümid edirəm ki, Allahın iznilə və akademiklərimizin, ekspertlərimizin köməyilə 2025-ci ilə qədər fəzaya ilk İran kosmonavtını göndərə biləcəyik. Bizim növbəti hədəfimiz ağırlıq qüvvəsinə qarşı 700 kilometr, ondan sonra isə 1000 kilometrdir. Əgər buna nail olsaq, 1000 kilometr üçün raketlə orbitada 35 min kilometrə qədər çata bilərik. Ondan sonrası asan məsələdir. Allahın köməyi ilə maksimum 2-3 il ərzində bu hədəfə çatacağıq”, -deyə Mahmud Əhmədinejad vurğulayıb. ANSPRESS