İran ordusu kəşfiyyat məlumatlarının toplanması üçün nəzərdə tutulmuş xarici pilotsuz təyyarə ələ keçirdiyini bəyan edib. Bu barədə "Reuters" agentliyi İranın rəsmi "İRNA" xəbər agentliyinə istinadən xəbər verir.

Aparatın ələ keçirilməsi ilə bağlı kadrlar da yayılıb. İran İslam İnqilabı Keşikçiləri Korpusunun generalı Həmid Sarhilinin məlumatına görə, RQ-170 pilotsuz təyyarəsi ölkənin cənub-şərqində keçirilən ənənəvi hərbi təlimlər zamanı ələ keçirilib. Pilotsuz aparatın hansı ölkəyə məxsus olduğu isə bildirilməyib.

Xatırladaq ki, İran ordusu bundan əvvəl də bir neçə dəfə Amerika Birləşmiş Ştatlarına məxsus olduğu iddia edilən pilotsuz aparatları ələ keçirdiyini bəyan etmişdi.