İran Hərbi Hava Qüvvələri (HHQ) 10 günlük hərbi təlimlərə başlayıb. Hərbi təlim “Vilayət-3” adını alıb. Hərbi təlimlər ölkənin şimal-qərb hissəsində İran-İraq sərhədi yaxınlığında aparılır.

Təlimdə İran HHQ-nin balansına daxil olan F-4, F-5, Su-24, MiQ-29, “Sayeqe” qırıcıları və S-130 tipli yük təyyarələri iştirak edəcəklər. Dörd mərhələdə keçiriləcək mərhələdə “hava-hava”, “hava-yer” tipli raketlər, həmçinin ağır və yüngül bombalar sınaqdan çıxarılacaq.

Xatırladaq ki, İran HHQ-nin komandir müavini Əziz Nəsirzadə avqust ayının əvvəllərində hərbi təlimlərdə daha bir qonşu ölkənin qüvvələrinin iştirak edəcəyini bəyan etsə də sonradan təlimdə İran qüvvələrindən savayı hər hansı ölkənin texnikasının nümayiş etdirilməyəcəyini bildirmişdi.
ANSPRESS