İran İslam Respublikası 20 min MVt gücündə olan elektrik enerjisinin alınmasını nəzərdə tutan 15 illik planı çərçivəsində tikiləcək 16 nüvə elektrik stansiyalarının yerlərini müəyyənləşdirib. ANS PRESS-in Rusiya mətbuatına istinadən verdiyi məlumata görə, ölkənin nüvə enerjisi üzrə təşkilatının ekspertləri nüvə elektrik stansiyalarının yerləşəcəyi, əsasən, zəlzələlərdən və raket zərbələrindən daha çox qorunmuş əraziləri müəyyənləşməsi üzrə araşdırmalarını artıq yekunlaşdırıb.

Təşkilatın məruzəsində qeyd olunub ki, İranın elektrik enerjiyə tələbatını yaxın 15 ildə tam nəmin etmək üçün ölkədə 20 iri nüvə elektrik stansiyaları tikilməlidir.

Bundan əlavə İranda yeni uran yataqları aşkar olunduğu qeyd olunub və uran ehtiyatları ölkədə artıq 4,4 min ton təşkil etdiyi vurğulanıb.

Qeyd edək ki, bu göstərici İranda 30 il əvvəl 1,5 min ton səviyyəsində olub.