İnquşetiya respublikasında bir neçə rayonun sakinlərini qorxu içində saxlayan silahlı qruplaşma zərərsizləşdirilib. Daxili İşlər Nazirliyinin və Federal Təhlükəsizlik Xidmətinin əməkdaşlarının birgə həyata keçirdiyi əməliyyat nəticəsində qruplaşmanın 1 üzvü öldürülüb, 4-ü isə saxlanılıb.

Xüsusi-xidmət orqanlarının məlumatına görə, qruplaşma bir sıra səs-küylü cinayətlərin, o cümlədən İnquşetiyanın səhiyyə nazirinin müavininə və Sosial Sığorta Fondunun rəhbərinə qarşı sui-qəsdlərin arxasında dayanıb. Hər iki məmur yaralı olaraq qurtulmuşdu.