Ötən gün axşam saatlarında İnquşetiyada yanacaqdoldurma stansiyası partladılıb. “Qafqaz” federal yolunda, Nazran rayonunun Qazı-Yurd yaşayış məntəqəsi yaxınlığında yerləşən yanacaqdoldurma məntəqəsi açılan atəşdən sonra partlayıb.

İnquşetiya DİN-in məlumatına görə, naməlum şəxslər yanacaqdoldurma stansiyasına qumbaraatandan bir dəfə atəş açıblarö. Partlayış nəticəsində ölən və yaralanan olmayıb. Bir neçə yanğınsöndürmə briqadası yanğının qarşısını almağa çalışır.

Partlayış yerli vaxtla saat 21.45-də (Bakı vaxtı ilə 22.45) baş verib. Hüquq-mühafizə orqanları hadisəni törədən şəxslərin axtarışlarına başlayıb.
ANSPRESS