İnquşetiyada iki “Ural” avtomobili atəşə tutulub. İlkin məlumatlara görə, hadisə nəticəsində iki hərbçi həlak olub, beş nəfər isə yaralanıb.

İnquşetiya Daxili İşlər Nazirliyinin mətbuat xidmətinin məlumatına görə, insident yerli vaxtla ötən gün saat 23.45-də (Bakı vaxtı ilə bu gün saat 00.45) “Qafqaz” federal magistralında qeydə alınıb. Yandərə yaşayış məntəqəsi yaxınlığında iki “Ural” avtomobilindən ibarət maşın karvanı atəşə tutulub. Avtomobillərdən yalnız biri zirehli olub. Adi avtomobil Rusiya Federesiyası Daxili İşlər Nazirliyinin müvəqqəti əməliyyat qrupunun hərbi qulluqçularını daşıyırmış.

Hazırda hadisə yerində əməliyyat-istintaq qrupu işləyir. ANSPRESS