Y. Yevkurov Nazrandakı iqamətgahına gedərkən yol kənarına yerləşdirilmiş bomba partlayıb. Bəzi mənbələr isə bomba yüklənmiş avtomobilin partladıldığını bildirirlər. İlkin informasiyalara əsasən 3 və ya 4 mühafizəçi həlak olub, 5-i yaralanıb. Bəzi mənbələr prezidentin qardaşı Üveysin yaralandığı, digər mənbələr isə öldüyü haqda xəbər yayıblar. Y. Yevkurovun vəziyyəti barədə məlumatlar da ziddiyyətlidir. “RİA Novosti” İnquşetiya hüquq-mühafizə orqanlarındakı mənbəyə əsasən onun vəziyyətinin ağır olduğunu və reanimasiyaya yerləşdirildiyini, “İnterfaks” isə İnquşetiya Daxili işlər Nazirliyindəki mənbələrə əsasən prezidentin yüngül yaralandığını bildirib. Hazırda hadisə yerində istintaq qrupu işləyir.

 

APA