İnquşetiya prezidenti Yunusbəy Yevkurovun kortecinin yanında kamikadzenin partladılması güman edilən bombanın gücü 70 kiloqram trotilaya bərabər olub. Bu barədə RİA Novosti məlumat verib.

Y.Yevkurova qarşı törədilən sui-qəsd nəticəsində prezidentin kiçik qardaşının ölməsi xəbərini respublika rəhbərinin mətbuat xidməti təkzib edib. Məlumata görə, onun vəziyyəti normaldır.

Hüquq-mühafizə xidmətindən verilən məlumata görə, vəziyyəti ağır olan Yevkurov müalicə üçün Moskvaya aparılacaq. Xatırladaq ki, insident zamanı prezidentin 3 mühafizəçisi həlak olub. /ANS PRESS/