Amerikalı milyarder Corc Soros dünyanın ən varlı şəxslərinin yer aldığı siyahıda geriləyib. ANS PRESS-in xarici mətbuata istinadən yaydığı məlumata görə, bu xəbəri “Forbs” jurnalı yayıb. Hal-hazırda Sorosun sərvəti 22 milyard dollar həcmində dəyərləndirilir.

Maraqlıdır ki, Sorosun geriləməsi fonunda “Facebook” sosial şəbəkəsinin qurucusu Mark Zukerberq öz mövqelərini möhkəmləndirib. “Top 20”də 14-cü yerdə qərarlaşan bu gəncin sərvəti 17,5 milyard dollar qiymətləndirilir.

“Forbs” jurnalının tərtib etdiyi siyahıya Bil Qeyts (59 milyard) başçılıq. İkinci və üçüncü yerləri Uorren Baffet (39 milyard) və Larri Ellison (33 milyard) bölüşür. Onların ardınca isə Çarlz Kox (25 milyard), Devid Kox (25 milyard), Kristi Uolton (24,4 milyard), Corc Soros (22 milyard), Şeldon Adelson (21,6 milyard), Cim Uolton (21,1 milyard) və Elis Uolton (20,9 milyard) gəlir.