İngiltərə kraliçası II Yelizaveta Birləşmiş Ərəb Əmirliyinə səfər edib. Kraliçanın səfərinin ilk günü məscid ziyarəti ilə başlayıb. Belə ki, Yelizaveta dünyanın ən böyük məscidlərindən biri olan Əbu-Dabidəki Şeyx Zayid Məscidində olub. Kraliça dünyanın ən böyük xalısı üzərində gəzib, İslam dini haqqında tədris görən qız tələbələrlə bir araya gəlib. O, burada məscid və islam dini haqqında məlumat alıb.

Daha bir diqqət çəkən məqam isə kraliçanın geyimi olub. Kraliça II Yelizaveta 35 tonluq xalısı ilə məşhur olan məscidə girərkən bütün qaydalara riayət edib. Qeyd edək ki, xalı 1200 iranlı qadın tərəfindən iki ilə əllə toxunub.