İndoneziyada iki sərnişin qatarı toqquşub. Hadisə nəticəsində iki nəfər həlak olub, onlarla adam xəsarət alıb. Qəza yerli vaxtla 2.30-da (Bakı vaxtı ilə ötən gün saat 23.30) Qərbi Yava əyalətinin Baray kəndi yaxınlığında baş verib.

Yerli hökumət nümayəndələrindən birinin məlumatına görə, qəza xidmətləri hadisə yerində xilasetmə əməliyyatlarını davam etdirirlər və sərnişinləri deformasiyaya uğramış vaqonlardan çıxarmağa çalışırlar. Xəsarət alanlar xəstəxanaya göndərilir. Onlardan 14-ünün vəziyyəti ağırdır.

İnsidentin səbəbləri və digər təfərrüatları barədə hələlik məlum yoxdur. ANSPRESS