"People" jurnalı 2010-cu ilin qəhrəmanlarını seçib. Siyahı jurnalın sabah nəşr ediləcək sayında yer alacaq. Ancaq "Reuters" agentliyi indidən siyahıdakı bəzi adları açıqlayıb. Agentliyin məlumatına görə, "İlin qadını" adına aktrisa Sanrda Ballok layiq görülüb. Seçim bir necə faktorla əsaslandırılıb. Belə ki, aktrisa bu ilin mart ayında "Oskar" mükafatını qazanıb, bundan bir qədər sonra övladlığa uşaq götürüb. Bir müddət sonra isə o həyat yoldaşının xəyanətinə məruz qaldığı üçün boşanıb. Avqust ayında isə Hollivudun ən yüksək gəlirli aktrisası elan edilib.

Ballokla bərabər "People"nin siyahısına "İlin ən qlamur valideynləri" Ancelina Coli və Bred Pitt, çilili şaxtaçıları, prezident Barak Obama və xanımı Mişel Obama, "Facebook"un yaradıcısı Mark Tsukerberq, "WikiLeaks"ın yaradıcısı Culian Assanj, xərçənglə mübarizə aparan aktyor Maykl Duqlas, Natali Portman, "mavi" olduğunu açıqlayan Rikki Martin və başqaları daxildir.