Ukraynadakı proseslərdə maraqlı dəyişikliklər baş verməkdədir. UNİAN agentliyinin yaydığı xəbərə görə, prezident Viktor Yuşşenko ilə Regionlar Partiyasının sədri Viktor Yanukoviç arasında anlaşma əldə edilib. Prezident katibliyinin nümayəndəsi Yaroslav Kazaçok tərəflər arasında əldə olunun razılaşmanın mətnini açıqlayıb. Razılaşmaya əsasən, prezident seçkiləri nəticəsində Yanukoviçin hakimiyyətə gələcəyi təqdirdə, Yuşşenko baş nazir postunu tutacaq.

Kazaçok qeyd edib ki, imzalanan sənədə görə, tərəflər qarşılıqlı ittihamlardan vaz keçmək öhdəliyi üzərinə götürüb. Habelə Yuşşenkonun partiyası seçkilərin ikinci turunda Yanukoviçi dəstəkləmək üçün əlindən gələni edəcək. ANSPRESS