Hollandiya Daxili İşlər Nazirliyi Qelderland bölgəsində müsəlman polislərin halal naharla təmin edilməsini dəstəkləyib. Məlumata görə, Hollandiya Daxili işlər naziri Piet Heyn Donner Qelderland bölgəsində tərkibində donuz əti olan məhsullardan yemək istəməyən işçilərin halal naharla təmin ediləcəyini bildirib.

Qeyd edək ki, bir müddət əvvəl islamofob partiya sədri Qirt Vilders bu cür naharların yolverilməz, İslamlaşmanın təmsili kimi qiymətləndirmişdi. Nazir isə buna cavab olaraq vegetarian polislərin artdığı bir vaxtda onları xüsusi nahar paketləri ilə təmin etməyin “vegetarianlaşmaq” demək olmadığını, bu fikirin absurd bir fikir olduğunu deyib.