APA-nın “RİA Novosti”yə istinadən verdiyi məlumata görə, Birləşmiş Ərəb Əmirliklərinin Dubay əmirliyindən Manqalora uçan “Boeing-737” təyyarəsi yerli vaxtla saat 06.30-a yaxın Manqalor hava limanından bir neçə kilometr aralıda yerə çırpılıb və yanıb.
Hindistan mediasının xəbərlərinə əsasən təyyarədə 160 sərnişin və 6 ekipaj üzvü olub. Pilot Rusiya vətəndaşıdır. Əvvəlcə 5-6 sərnişinin qəzadan sağ qurtulduğu xəbəri yayılsa da, Manqalor polisi sağ qalan olmadığını açıqlayıb. Hadisə yerinə çoxlu sayda yanğınsöndürən və təcili yardım maşınları göndərilib. APA