İndoneziyada müsəlman qadınların növbəti gözəllik müsabiqəsi keçiriləcək. ANS PRESS-in Türkiyə mətbuatına istinadən verdiyi məlumata görə, müsabiqə sentyabrın 28-də Bali adasında baş tutacaq.

Xatırladaq ki, bu gözəllik müsabiqəsi İndoneziyada 2011-ci ildən keçirilir. Amma İndoneziyada müsəlman qrupların reaksiyasına görə, müsabiqənn yerini dəyişdirib və Miss World 2013 Bali adasında keçiriləcək.

Məlumat üçün deyək ki, ilk müsabiqənin qalibi Nigeriyadan olan Obabiyi Aişə Ajibola olub. 6 ölkədən 18 gözəlin qatıldığı müsabiqədə İndoneziya və Malaziya gözəlləri ilə finala qalan 20 yaşlı tələbə Aişə adı açıqlananda sevincini ona uzadılan Quranı öpməklə ifadə edib.

Mükafat olaraq təxminən 2200 dollar və Həcc səyahəti qazanan Aişə: “Allah bilir ki, qalib olacağım heç ağlıma da gəlməyib. Bunu bütün nigeriyalı qadınlara həsr edirəm”,- diyə danışıb.
.