Türkiyədə iki əsgərin ölümü ilə nəticələnən faciəvi hadisə baş verib. Yerli mətbuatın xəbərinə görə, naryadda olan 2 əsgər arasında naməlum səbəblə mübahisə başlayıb. Məlumata görə, mübahisə zəminində psixoloji problemi olan U.Ö. əsgər yoldaşı O.D-yə 3 dəfə atəş açıb. U.Ö. daha sonra eyni silahla özünü başından vurub. Hər iki əsgər təcili yardımla xəstəxanaya çatdırılsa da onların həyatını xilas etmək mümkün olmayıb.

Qeyd edək ki, baş verənlərdən sonra gördükləri hadisənin təsiri ilə əsəb ghərginliyi keçirən daha bir neçə əsgər xəstəxanaya aparılıb. Onların müalicəsi davam edir.

Faktla bağlı istintaq başladılıb, araşdırmalar davam edir.