Haitidəki zəlzələ qurbanları üçün humanitar yardım ləvazimatları aparan yük maşınından 100 kiloqram heroin aşkar olunub.

Rumıniya-Macarıstan sərhədində Haitiyə humanitar yardım aparan yük maşınının yoxlanması zamanı külli miqdarda narkotik aşkar olunub. Bolqarıstan dövlət nömrə nişanı ilə hərəkət edən yük maşının əyləc sistemindəki hava balonundan ümumi çəkisi 100 kiloqram olan 84 ədəd bağlamda narkotik vasitə sayılan heroin tapılıb.

Bolqarıstanın Daxili İşlər Naziri Tzvetan Tzvetanov isə mətbuata açıqlamasında məsələnin hərtərəfli araşdırılması üçün Rumıniya tərəfinə yardım etməyə hazır olduqlarını bildirib. ANSPRESS