Haiti ərazisində güclü zəlzələ baş verib. ABŞ Geoloji Xidmətinin məlumatına görə, eraltı təkanların episentri ada dövlətinin paytaxtı Port-o-Prensin yaxınlığındakı Karrefur şəhərinin 10 kilometrliyində qeydə alınıb.

Seysmoloqlar zəlzələnin 7-7,3 bal gücündə olduğunu bildirirlər. İlk yeraltı təkanlardan bir qədər sonra 5,9 və 5,5 bal gücündə daha iki zəlzələ baş verib.

Hadisələrin mərkəzində olan əcnəbi jurnalistlərin sözlərinə görə, zəlzələ nəticəsində yerli xəstəxananın binası uçub. Tələfat barədə məlumat yoxdur. Lakin ekspertlər hesab edirlər ki, bu qədər güclü zəlzələ bölgə üçün ağır nəticələr verə bilər.

Zəlzələ ilə əlaqədar sunami təhlükəsi elan edilib. ANSPRESS