APA-nın məlumatına görə, ötən 10 gün ərzində görülən tədbirlər nəticəsində dağıntılar altından 132 nəfər xilas edilib.
Artıq bir çox xarici ölkənin xilasetmə qrupları vətənə dönüb. Son rəsmi məlumatlara görə, zəlzələ nəticəsində təxminən 111,5 min insan həlak olub, 194 min nəfər müxtəlif dərəcəli xəsarət alıb, 609 min nəfər isə evsiz qalıb və onlar müvəqqəti məskunlaşma üçün yaradılan düşərgələrdə yerləşdirilib. Lakin bununla yanaşı bildirilir ki, ölənlərin sayı 200 minə çata bilər.
Xatırladaq ki, Haitidə baş verən zəlzələnin gücü Rixter cədvəli ilə 7 baldan artıq olub. ANSPRESS