Bundan sonra Gürcüstan vətəndaşları avtomobillərini cibində sürücülük vəsiqəsi gəzdirmədən idarə edə biləcəklər. Artıq bununla bağlı hökumət yeni qanun layihəsi hazırlayır. Bu barədə Gürcüstanın daxili işlər naziri Vano Merabişvili məlumat verib. Onun sözlərinə görə, polis patrulu sürücüdən adını, atasının adını soruşacaq və bu məlumat əsasında kompüter vasitəsi ilə avtomobili idarə edən şəxsin həqiqətən sürücülük vəsiqəsinin olub-olmadığını dəqiqləşdirəcək.

Bunun bürokratiyanın azalmasına atılan daha bir addım olduğunu deyən gürcüstanlı nazir bildirib ki, dövlət vətəndaşların şəxsi işlərinə nə qədər az müdaxilə etsə, bütün cəmiyyət üçün bir o qədər yaxşı olar. ANSPRESS