Gürcüstanın xarici işlər naziri Qriqol Vaşadze bu gün Ermənistana işgüzar səfər edir. Ermənistan kütləvi-informasiya vasitələrinin məlumatına görə, Qriqol Vaşadzeni Ermənistan prezidenti Serj Sarkisyanın qəbul edəcəyi gözlənilir.

Səfər zamanı Qriqol Vaşadzenin ermənistanlı həmkarı Edvard Nalbandyanla da görüşəcəyi nəzərdə tutulub.

Qeyd edək ki, Serj Sarkisyan noyabrın əvvəlinə təyin olunmuş Gürcüstan səfərini səbəbi bildirilmədən təxirə salmışdı.